പേരോൽ ഗവ: എൽ.പി.സ്കൂളിലെ മലയാളത്തിളക്കം പരിപാടിയുടെ ഉദ്ഘാടനം നഗരസഭാ കൗൺസിലർ ശ്രീ സി.സി. കുഞ്ഞിക്കണ്ണൻ ഉദ്ഘാടനം ചെയ്തു. കുട്ടികൾക്കുള്ള നോട്ടുബുക്ക്, ക്രയോൺസ്, പേന എന്നിവയും വിതരണം ചെയ്തു. ഹെഡ്മാസ്റ്റർ പവിത്രൻ. കെ.വി.സ്വാഗതമാശംസിച്ച യോഗത്തിൽ പി.ടി.എ വൈസ് പ്രസിഡണ്ട് ശ്രീമതി പ്രീതാ സുധീഷ് അധ്യക്ഷം വഹിച്ചു.വിവിധ ദിനാചരണങ്ങളിൽ നടന്ന ക്വിസ് മത്സര വിജയികൾക്കുള്ള സമ്മാനദാനവും ഉണ്ടായിരുന്നു.
സ്കൂളിലെ ശിശുദിനാഘോഷ പരിപാടികൾ BRC ട്രെയിനർ ജനാർദ്ദനൻ മാസ്റ്റർ ഉദ്ഘാടനം ചെയ്തു.ഓരോക്ലാസ്സും തയ്യാറാക്കിയ ശിശുദിനപതിപ്പ് പ്രകാശനവും, ജവഹർലാൽ നെഹറു ജീവിത ശബ്ദരേഖ അവതരണം, ക്വിസ് മത്സരം എന്നിവയും ഉണ്ടായിരുന്നു.
നീലേശ്വരം മുനിസിപ്പാലിറ്റിയിൽ ആയുഷ് ക്ലബ്ബ് പ്രവർത്തനങ്ങൾക്കായി തെരഞ്ഞെടുക്കപ്പെട്ട പേരോൽ ഗവ: എൽ.പി.സ്കൂളിലെ ആയുഷ് ക്ലബ്ബിന്റെ ഉദ്ഘാടനം ഡോ. നിഷ.കെ.വി.ഉദ്ഘാടനം ചെയ്തു.വിവിധ ചികിത്സാ രീതികളും ,ഔഷധ സസ്യങ്ങളുംകുട്ടികൾക്ക് പരിചയപ്പെടുത്തി.
കേരളപ്പിറവി ദിനാഘോഷത്തിന്റെ ഭാഗമായി സ്കൂളിൽ പ്രഭാഷണം, മാതൃഭാഷാ പ്രതിജ്ഞ, ക്വിസ് മത്സരം, നവകേരള സൃഷ്ടിയുടെ ഭാഗമായുള്ള കുട്ടികളുടെ രചനകൾ എന്നിവയും നടന്നു.
